Былі такія неверагодна цёплыя выхадныя дні! і зноў холад...Непарадак! У апошні дзень канікул мы вырашылі паклікаць яе і зладзілі «Гуканне вясны» - беларускі звычай - адзін з самых жыццярадасных і аптымістычных. Сканчаецца доўгая зіма, а на змену ёй ідзе прыгажуня-вясна. Каб паскорыць яе прыход і ладзіцца народнае свята.

Старажытнае свята, якое суправаджаецца абрадавымі вясновымі песнямі, карагодамі. І нашы выхаванцы не засталіся ў старонцы.  Дзеці старана вадзілі карагоды, спявалі песні і гулялі ў народныя гульні. Яны з вялікай радасцю  заклікалі вясну, каб яна хутчэй прыйшла!

Жавароначкі, прыляціце!
Вы нам лецейка прынясіце!
А зімачку забярыце!
Бо нам зімачка надаела!
Усе хлебушкі пераела!